कञ्चनपुर । कञ्चनपुरमा जेनजी समूहका युवाहरूले आत्मिक प्रतिबद्धता गर्दै सार्वजनिक क्षेत्रमा उठबस गरेका छन । शुक्रबार साँझ जेनजी समूहका झन्डै ३० बढी किशोर तथा युवाहरूले आत्मिक प्रतिबद्धता गर्दै १० पटक उठबस गरेका हुन ।
शुक्लाफाँटा नगरपालिका–१० स्थित झलारी बजारमा सुदूरपश्चिमका विभिन्न जिल्लाबाट जेनजीका प्रतिनिधिहरूले झलारीमा भेला भएर विगतमा भएका गल्ती कमजोरी महसुस गर्दे कान समातेर उठबस गरे ।
मुलुक निर्वाचनमय भएका बेला जेनजी समूहका युवाहरूले गरेको यस्तो किसिमको गतिविधिलाई अर्थपूर्ण ढङ्गले हेरिएको छ । जेनजी समूहका युवाहरू भदौ २३ र २४ गतेको आन्दोलनमा भएका गल्ती कमजोरीलाई स्विकार्दै आगामी निर्वाचन पछि भने अझै सडक आन्दोलनमा होमिने समेत बताएका छन ।
मिराज ढुंगाना समर्थक कञ्चनपुर क्षेत्र–२ का स्वतन्त्र उम्मेदवार हरिसबहादुर भट्टले भ्रष्टाचार गर्ने नेताहरूले माफी नमागेको भन्दै शुक्रबार झलारीमा उठबस गरिएको बताए । आगामी दिनमा मुलुकको व्यवस्था परिवर्तनका लागि फरक ढङ्गले अगाडि बढ्ने उनी बताउछन ।
मुलुकभरि बाटै विभिन्न क्षेत्रबका उम्मेदवारहरू चुनावी मैदानमा होमिएका छन । तर ढुंगाना समर्थक स्वतन्त्र उम्मेदवार भट्टले भने मतदाताहरू सँग मत माग्नुको साटो मत नदिन अनुरोध गरिरहेका छन । मतदाताहरूलाई मानसिक तवरले परिवर्तन गर्ने भन्दै उनीे विवेक प्रयोग गर्न सुझाउँदै आएको बताउछन ।
मत दिए भने मुलुकको विद्यमान व्यवस्था परिवर्तन गर्नका लागि सदनबाट आवाज उठाउने तर मत नदिए पुनः सडक आन्दोलनबाट व्यवस्था परिवर्तनका लागी सङ्घर्ष गर्ने उनले चुनावी एजेन्डा नै बनाएका छन ।
विद्यमान व्यवस्थाविरुद्धमा यस अघि जेनजी आन्दोलन भए पनि जेनजीका मागहरू भने पूरा हुन नसकेको भन्दै उनले देशको विद्यमान व्यवस्था परिवर्तन गर्नका लागि आफुले पनि स्वतन्त्र उम्मेदवारी दिएको बताए । तर उनले आफूलाई मत नखसाल्न समेत आग्रह गरे । उनले दलीय उम्मेदवारहरुलाई विजयी गराए भने सडक आन्दोलन गरेर पनि मुलुकको व्यवस्था फेर्ने चेतावनी समेत दिए ।
