डडेल्धुरा । भगवान बिष्णुको छैटौं अवतार चिरञ्जीवी परशुरामले ध्यान, तपस्या गरेको पवित्र धार्मिक, साँस्कृतिक तथा पर्यटकीय तीर्थस्थल परशुरामधाममा धार्मिक बगैँचा बनाउन रुद्राक्षका विरुवा रोपिएका छन । महाकाली नदी किनारको बिशाल फाँटमा फैलिएको परशुराधमा सुदूरपश्चिम प्रदेश कै धार्मिक बगैँचा बनाउन रुद्राक्षका विरुवा रोपण गरिएको परशुराम नगरपालिकाका नगर प्रमुख भरत बडायर जोशीले बताए ।
पहिलो पटक प्रथम सुदूरपश्चिम मेयर फोरम २०८१ को आयोजना गरेको परशुरामले यस प्रदेशका ८८ वटै स्थानीय तहको एउटा रुद्राक्षको विरुवा यहाँ रोपिने बताए ।
रुद्राक्ष धार्मिक विरुवा हो । हिन्दु धर्ममा रुद्राक्षको निकै ठूलो महत्व रहेको छ । रुद्राक्षको दाना उत्पादन गरि यहाँका स्थानीयलाई व्यावसायसंग जोड्न सकिन्छ । उनले भने, मेयर फोरममा सुदूरका सम्भावना, अरु स्थानीय तहले गरेको राम्रा कामको अनुशरण, महाकाली सम्वाद मार्फत र्याफ्टिंगको व्यावसायीक सुरुवात, धार्मिक बगैँचा निर्माण गरि सुदुरपश्चिम प्रदेशका ८८ वटै स्थानीय सरकारको अपनत्व र स्थानीयलाई व्यावसायसंग जोड्न रुद्राक्षका विरुण रोपेका छौ ।
परशुराम धाममा प्रथम सुदूरपश्चिम मेयर फोरम सुरु
भगवानको पूजाआजामा रुद्राक्षका माला चढाउने, प्रसादका रुपमा ग्रहण गर्ने परम्परा रहिआएको छ । उनले भने, अहिले धार्मिक स्थल वा भनौ हिन्दुधर्माबलम्बिहरुले आयोजना गर्ने कार्यक्रमहरुमा रुद्राक्षका माला घाँटीमा लगाई स्वागत, सम्मान गर्ने चलन बढ्दै गएको छ । रुद्राक्षका दाना उत्पादन गरि माला बिक्रि वाफत यहाँका स्थानीयहरु लाई व्यावसायसंग जोड्न सकिन्छ भन्ने लक्ष्य राखेर रुद्राक्षका विरुवा रोपेको उनले बताए ।
महाकाली नदीमा र्याफ्टिंग गर्दै सम्पन्न भयो मेयर फोरम
परशुराम नगरपालिकाले परशुरामधाममा आयोजना गरेको मेयर फोरममा मात्रै एक लाख बढी मूल्यका रुद्राक्षका माला खरिद गरेको छ । स्वागत सम्मानमा प्रत्येक वर्ष माघि संक्रान्तिकामा पनि रुद्राक्षका माला खरिद गर्दैआईरहेको उनको भनाई छ । परशुराम धाममै रुद्राक्ष उत्पादन गर्न सके वार्षिक रुपमा लाखौ मूल्यमा रुद्राक्षका मालाको आयात रोक्न सकिने छ । धार्मिक बगैँचा निर्माणले अवलोकन कर्ताहरुसमेत बढ्ने विश्वास उनको छ ।
‘नीति बदल्दै सम्भावनालाई सम्भव बनाऔँ, लगानी बढाऔँ’
परशुरामधाम नेपालका चार वटा धामहरु मध्येका एक धामका रुपमा लिईन्छ । हिमनदी महाकालीको यस क्षेत्रमा स्नान गर्नाले गंगा स्नानसमान पुण्य प्राप्त हुने स्कन्द पुराणमा वर्णित छ । यहाँ मकर स्नानको महत्व झनै ठूलो मानिन्छ ।
खासगरी माघे संक्रान्तिको बेला ठूलो मेला लाग्ने परशुरामधाम मन्दिरको विशिष्ट महिमा छ । महाभारतबाट निस्किएको रंगुन नदी र मानसरोवरबाट निस्किएको श्यामा, सरयु र महाकाली नदीको संगमस्थलका रुपमा परिचित परशुराम धाम क्षेत्रको बारेमा धार्मिक ग्रन्थहरुमा समेत उल्लेख गरिएको पाइन्छ ।
त्रेतायुगमा विष्णुको छैटौं अवतारको रुपमा परशुरामले हैह्यवंशी क्षेत्रीहरुको २१ पटक संहार गरेपछि पुनःयही क्षेत्रमा आएर तपस्या गर्दै यज्ञ गरेको स्कन्दपुराणको मानसखण्डमा वर्णन गरिएको छ । यस्तै, यो क्षेत्रमा धर्मराज युधिष्ठिरलेसमेत यज्ञ गरेको र धर्मको लागि द्वारको समेत निर्माण गरेको जनविश्वास रहिआएको छ ।
धाम क्षेत्र करिब ८५ बिगाह क्षेत्रफलमा फैलिएको छ । यो परिसरमा परशुरामकी आमा रेणुकाको मन्दिर, धर्मद्वार, सत्ययुगदेखि रहेको बताइने वर–पीपल समेत देख्न पाईन्छ । साथै, परशुराम स्नानघाट, बाङ्घाट र भागेश्वर घाट पनि छन ।
माघे संक्रान्तिको मेलामा डडेल्धुराका साथै डोटी लगायत ठाउँका २२ देवताका देउरालाई स्नान गर्नयस क्षेत्रमा ल्याउने गरिन्छ । माघे संक्रान्तिका साथै औंशी, पूर्णिमा र ग्रहण लागेको समयमा समेत यस क्षेत्रमा अन्य भक्तजनहरु स्नान गर्न आउने गरेका छन । सुदूरपश्चिमबाट नजिकै रहेको भारतीय तीर्थस्थल हरिद्वारको जति नै महिमा र आस्था परशुराम क्षेत्रको रहेको पाइन्छ ।
महाकाली सम्वाद गर्दै यसरी सुरु भयो र्याफ्टिंग (भिडियो)
यहाँ बाबा परशुरामको सबैभन्दा अग्लो मूर्तीसमेत निर्माण गरिएको छ । धाममा परशुरामको ५४ फिट अग्लो मूर्ती निर्माण गरिएको हो । परशुराम धामको गुरुयोजना बनाई विकास गरिन थालिएको छ । धाममा गुरुयोजना अनुसार भौतिक पुर्वाधारको निर्माणको कामसमेत भईरहेको छ ।
धार्मिक बगैँचा बनाईने परशुरामधाम क्षेत्रमा रुद्राक्षको विरुवा रोप्दै सुदूरपश्चिम प्रदेश सरकारका आर्थिक मामिला मन्त्री बहादुर थापालगायत अन्य नेता एवं जनप्रतिनिधिहरु । तस्बिरः पुष्कर भण्डारी ।
